466

representación de Eurico

León I e Tatianus, cónsules.

León I rexeita os hunos en Dacia. Arrasan os Balcáns pero son incapaces de tomar Constantinopla grazas ás murallas da cidade, que son reconstruídas e reforzadas.

Tarasicodissa, oficial isauro dos excubitores, aporta evidencias de que Ardabur, magister militum, conxura contra o emperador. Ardabur é arrestado por traidor.

Tarasicodissa adopta o nome grego de Zenón e casa con Ariadne, filla maior de León I.

Teodorico II é asasinado coa anuencia de Eurico, seu irmán menor, que obtén a xefatura goda. Conquista Massilia e envía embaixadores ao Constantinopla para que se recoñeza a soberanía goda. Pecha unha alianza con suevos e vándalos.

sendo certo que con Eurico os godos expanden os seus territorios e aumentan decisivamente a súa independencia a respecto do imperio, é cuestionable se Eurico adopta unha política máis agresiva que a de Teodorico II ou a súas accións son resultado da inercia imposta polo proceso de deterioro da autoridade imperial. Segundo Xordanes (s. VI): “ao observar a debilidade da autoridade romana …, ten xa baixo a súa xurisdición toda Hispania e Gallia.” A posterior ruptura do foedus enmárcase dentro da competencia por ocupar o trono imperial.

Eurico dedica a maioría dos seus recursos aos asuntos de Gallia; como consecuencia, Hispania afonda o seu propio proceso centrífugo.

nas illas da lagoa veneciana xorde un consello de doce municipios.

Pedro de Antioquía é deposto. Xulián é elixido coma sucesor.