 |
| moeda coa efixie de Pulcheria |
xaneiro, 1: por consello de Candidiano, Ataúlfo casa
con Aelia Galla Placidia en Narbo con enorme pompa,
segundo fórmula romana, viste toga, os poetas cantan epitalamios e cincuenta xoves
escravos, vestidos de seda, ofrecen á noiva outras tantas bandexas cheas de ouro
e prata. Attalus, augustus co apoio godo e instalado en Burdigalia, participa da celebración. Nace
un fillo, Teodosio, que morre ao
pouco.
algúns ven neste matrimonio a unión da latinidade e o mundo
bárbaro, Roma e Xermania, o achegamento entre dúas etnias hostís, entre dúas
culturas. A sociedade romana, vella e caduca, converterase en "un mundo de
cabelos brancos", fronte á seiva xermana, nova e renovadora.
establécese unha administración paralela co neto de Ausonio, Paulinus coma comes res
privatae.
xaneiro, 12 (entre esta
data e o 17 de setembro) o galo Rutilius
Namatianus convértese en prefecto de Roma.
Pelaxio enfróntase a Xerome en Palestina. Celestius vai a Constantinopla en busca de apoios pero é expulsado polo patriarca Atticus.
xullo, 4: morre Antemius. A irmá de Teodosio II (13 anos), Pulcheria (15 anos) fai voto de
castidade e asume o control do goberno como augusta, con (ata 427) Helion, magister officiorum, novo home forte en Constantinopla. Converte o palacio en centro piadoso, axudada por
súas irmás Arcadia e Marina.
Cirilo pecha as igrexas
heréticas novacionistas, e excédese na súa autoridade ao expulsar os xudeos da
cidade e incitar a os seus partidarios a apropiarse das súas propiedades. O
prefecto Orestes quéixase a Constantinopla pero é apedrado polos
monxes nitrios, partidarios de Cirilo, e o prefecto executa ao seu líder Ammonius, que é declarado mártir polo
patriarca.
os godos asedian Bazas. Paulino de Pella atopábase na cidade e
describe os feitos. Os godos estaban apoiados por un continxente de alanos. Paulino,
que previamente fixera amizade co lider alano, convenceuno de romper con eles e
aliñarse cos defensores romanos. O alano entregou a súa dona e fillos coma
reféns aos romanos. Os godos levantaron o asedio. Os alanos recibiron permiso
para asentarse coma aliados dos romanos. Descoñécese a procedencia deste
continxente alano. Ou eran os que secundaran a Jovinus ou acompañaran sempre aos godos dende que estes entraran en
Italia.
outono: Constancio négase
a negociar co réxime de Attalus e bloquea Narbo
e a costa gala; avanza dende Arelate,
forzando os godos a penetrar en Hispania.
Utilizarán Barcino coma base.
o destacamento godo en Burdigalia saquea a cidade antes de
evacuala.
Orosio viaxa Hippo Regius, onde se converteu en discípulo
de Agostiño. Logo dun tempo en Africa, o mestre enviouno onde Xerome,
en Belén. Ademais dunha probable “caza de reliquias”, común na época, a viaxe tiña
como obxectivo que Orosio se documentase, por vía de Xerome, nos puntos que tiñan
en común o priscilianismo e as doutrinas de Oríxenes, coa fin de combater a primeira. Orosio pretendía tamén
unir forzas con Xerome na súa loita contra Pelaxio, en Palestina logo do sínodo
de Carthago. Neste último extremo non conseguiu nada.
Abdas, bispo de Susa, ordena queimar un templo zoroastriano; coma represalia Yazdegerd I de Persia ordena a destrución de igrexas cristiáns.
Fa-Hien, monxe chinés regresa da India e comeza a traducir obras budistas ao
chinés.
Ningún comentario:
Publicar un comentario